العند عند الأطفال
بنكمل السلسله بتاعتنا
لكل الماميز اللي قعدت من الشغل بسبب ظروف الأجواء ربنا يعينكم ع أولادكم
#العند_عند_الاطفال
سلوك من السلوكيات السلبيه اللي بتحطنا في مواقف وحشه ( بايخه ) قصاد الناس و ازاي مش عارف اسيطر على ابني او بنتي بالشكل ده
قبل متقول ليه ابني #عنيد ؟!! اسأل نفسك ايه اللي وصله لكده ؟!
#لو
- بتطلب منه تنفيذ اوامر ضد رغبته ؟! بمعني انك بتقوله كفايه لعب !
- بتجبره انه ياكل اكل معين؟
- بتجبره انه يلبس لبس معين؟
- بتقسو عليه في العقاب (ضرب-شتيمه)؟
***يبقى الطفل برئ من #سلوك_العند
طيب عايز اعرف ابني عنده سلوك العند ولا لأ اعرف ازاي ؟
#هل
- الطفل بيتعمد انه يضايق الاخرين؟
- لا ينفذ الاوامر التي تطلب منه؟
- بيجادل بعنف او عصبيه ؟
- الطفل متقلب المزاج ؟
ازاي اقدر اعالج #سلوك_العناد ؟
- نمنع كلمة (لأ) يعني لو الطفل عايز يلعب و المفروض جيه وقت الاكل نقوله حاضر هنلعب بس تعالى نروح ناكل و بعدين هنرجع نلعب تاني
- بلاش صيغة الامر في طلب الشئ يعني نختار كلمات نقول بيها الطلب ( ممكن – من فضلك - لو سمحت )
- خليه يختار اللي هو عايزه (اكل – شرب – لعب – ملابس ...) نختار حاجتين احنا عايزنهم و نقوله ايه رأيك تاخد دي ولا دي مثلا ايه رأيك تحب تلعب بالبازل ولا المكعبات ؟
- حفز طفلك دايما على السلوك الايجابي اللي عمله
- بلاش تنتقده قصاد الناس ولا تقارنه باي طفل تاني لان له تأثير سلبي على نفسية الاطفال
#تعديل_سلوك_الاطفال
ليست هناك تعليقات:
إرسال تعليق