نفسك ف أيه؟
.............
نِفْسي بس إن ألقي نَفْسي
بين نُفُوسِ الآخرين
نَفْس صالحه ونَفْس فالحه
ونَفْس بِتردد آمين
ونَفْس هاديه ونَفْس راضيه
ونَفْس ليها معجبين
مش نَفْس داميه ونَفْس عميه
ونَفْس تانيه شايله طين
......
نِفْسي بس إن ألقي نَفْسي؟
نَفْسي بس المشكله
هي نَفْسي تبقي نَفْسي
وهي فاضيه ومُهْمِله
نِفْسي نَفْسي تبقي نَفْسي
نَفْس طايعه أل ربها
كل خَلْقُه لما شافها حبها
نَفْس من كتر البياض
القمر من ضَيّها
نَفْس عاليه ودُرّه غاليه
نَفْس حاميه وف الميدان
نَفْس تِزأر م العرين
نفس وقت الشده ساتر
للوطن .....وبتحمي دين
........
سيف عثمان
ليست هناك تعليقات:
إرسال تعليق