أبا العمدة
فطارك سعيد!
_خدى هنا يا جملات أقول لك على حاجه،يا بت تعالى مستعجلة على المطبخ ليه دا انت داخله على بطولة كبيرة!
_ادينى جيت عايز إيه بقى
_بكره هنفطر إيه
_لما ييجى بكره يحلها ربنا
_يا بت علشان اكتب مقال فى الجريدة فطارك سعيد!
_إن شاء الله ملوخية وفراخ ورز
_لازم ملوخية يعنى يا جملات
_ مالها يعنى الملوخية ،ما انت ياما كلتها قرديحى
_خلاص يا جملات ما كانش سؤال
طيب اعملى لنا قمر الدين وقطايق وكنافة والمخترع الصغير
لا ده برنامج
طيب روحى المطبخ على ما أسأل جوجل
_أوعى يا مرزوق تكون ناوى تنزل صور الفطار على النت
_لا متخافيش عارفك بتفكرى فى إيه
_ايوه يا خويا طبعاً ال 500 اللى عطوهالنا عايزينهم يكفوا معانا رمضان والعيد وإن فاض حاجه نخليهم للعيد الكبير !!
ونعم التدبير يا جملات !
ليست هناك تعليقات:
إرسال تعليق