نفسي
قلبى ياعايش جوا ضلوعي
وجعك صعب وخلىٰ دموعي
تشتكي قسوة أهلي وناسي
شاربه مرار الغلب ف كاسي
إمتىٰ هشوف الفرح
بعيني
وأنسىٰ الآمي ومر سنيني
نفسي ف ضحكه زي زمان
نفسي أتغلب
ع الأحزان
والخوف اللي
معشش فيا
نفسي أخرج بره حدودي
واغلب ضعفي
ويبقىٰ شهودي
كل عوازلي كمان حسادي
يومها هكون إنسان مش عادي
بس سبوني أعيش
وانسوني
واعوا ف يوم
تيجوا تلوموني
لما الفرح يعرف بابي
والحزن يفارف أعتابي
يومها هشوف الدنيا بحالها والكون كله هيبقىٰ احبابي
بس
سيبوني
اعيش
وأنسوني
ليست هناك تعليقات:
إرسال تعليق