أنهاردة هكلمكوا عن ال ٤ تخصصات المختصة فالفاشون أو الموضة وهشرحلكم وظيفة كل واحد منهم شرح مبسط كده😊
(مصممة الأزياء،الخياطة،مقص دار،ستايلست)*مصممة الأزياء هي الي بتبتكر الفكرة سواء علي أسكتش او أب أو فدماغها وتختار الألوان والماتريال وتشرف علي تنفيذ فكرتها لا تنقل ولا تقلد أفكار غيرها لازم تكون متابعة للموضة والتريندات وتستوحي منها أفكار خاصة بيها مش بتخيط لكن لازم تكون عارفة الخياطة كويس عشان تقدر تتابع فكرتها
*الخياطة هي الس بتنفذ الفكرة وممكن يكون ليها تعليق عن ملائمة القماش لتنفيذ الفكرة ولا لاء متقلش أهمية عن مصممة الأزياء لأنهم بيكملوا بعض يعني لو فكرتك حلوة بس الي بتنفذلك مش متمكنة يبقي
معملتيش حاجة والعكس لو شاطرة فكرتك هتظهر وتنور وفي مصممة أزياء سعودية اسمها فاطيما بالحداد تقريباً كنت بتفرج علي فيديو ليها قريب كانت بتقول المصممة مينفعش توفر فحاجتين خاماتها والخياط الي بينفذلها لأنهم وجهان لنفس العملة
*المقص دار وده تخصص بيبقي موجود فالمصانع والبرندات الكبيرة هو الي بيقص الباترون الأساسي النموذج لتنفيذ الموديل حتي لو الموديل هيتكرر بالمكنة ألف مرة هو الي بي النمذج الي هيتقص
عليه لكن للأسف التخصص ده علي قد أهميته قرب ينقرض
*الستايلست هي الي بتقفل الصورة زي مبيقولوا هي
المسئولة عن تكوين المظهر واخراجه للنور والتصوير يعني التنسيق تظبيط الألوان والأكسسوارات الشنطة الشوز الطرحة عمل شكل أول لوك جديد تقديم نصايح عن المظهر والموضة وتظبيط القطع علي بعض
فلازم قلبل متدخل او تدخلي المجال ده تكونوا محددين انتوا حابين ايه
وتوظفوا امكانيتكوا للتخصص الي هيخليكوا تتميزوا فيه.
ليست هناك تعليقات:
إرسال تعليق