أبا العمده
_افرحى يا جملات
_خير يا مرزوق
_بشرى ساره للناس اللى بتركب مواصلات مسافات طويلة
وبيقعدوا بالساعات فى العربية هيوصلوا مكان ما هم رايحين بضغة زرار واحده !
_دى حاجه حلوة خالص ،أيوة كده يا مصر
اللى تساعد دول تقيلة لازم يبقالها قيمة كبيرة ومشنه ورنه!
_بس ازاى قولى ، نور لى عقلى
_انت عارفه بعد موضوع الكرونه ده اللى قلب مخ العالم
_أيوة عارفاه طوفى 19
_طوفى إيه يا بت وحلاوة يا وليه كوفيد19
ما علينا،
العمده ربنا يبارك فيه ويخليه للكفر وللغلابة
قرر إن الميزانية الأعلى فى الكفر هتكون للبحث العلمي وللصحة !
_يا ألف انهار ابيض هو ده التفكير ولا بلاش
_قوم بقى الجماعه بتوع البحث العلمى شمروا عن سواعدهم وعملوا جهاز كده ، زى ضلفة الدولاب من الزجاج الشفاف اسمه مواصلات دوت كوم
_بيشتغل بالنت يعنى
_برواة عليك ، اهو انت كمان حصلك تغيير بعد الكرونه
الجهاز ده يا بت مزود بشاشة صغيرة
ييجى واحد مثلا مواطن عايز يروح فى حته.
انت عارفه الأول عزبة أبو حديدة
_أيوة عارفاها تبعد عن هنا 25كيلو
_بصى بقى هييجى الزبون داخل جوه الجهاز الشفاف ده
ويدخل الرقم القومى والإيميل بتاعه
وبعدين يعمل بحث عن عزبة أبوحديدة هتظهر قدامة على الشاشة ،ييجى معلم عليها وضاغط على الزر ف ثانية هيبقى هناك
_ياحلاوة يا ولاد، وكلنا كده فى الكفر هيدخلوا لنا الايميل فى البيوت
_يا بت هو عداد ميه ،اصحى بقى وفوقى يا جملات العلم لازم يتقدم !
ليست هناك تعليقات:
إرسال تعليق