يا فاعل الخير
مرفوع بفعلك
علطول حطيت إيدك
جوا جيبك لما الخبر
جالك
والمبتدأ أصلك الطيب
والمفعول بيه يدعيلك
يبعد عنك الجار السو
وما تنكسر نفسك
تفضل إسم...علم..
يرفرف بين أسماء
أهل العطاء وربنا
يزيدك
يا بخيل
ممنوع من الصرف
عار عليك شحك
وبخلك
والزمان الدوار
والدور لازم يصيبك
هيجي لك يوم
تنتظر الفاعل
وانت مكسور العين
تتمد له إيدك
محروم حرمت
المكسور لما كان
معاك..
شوف بقى مين
يديلك
لو كنت في يوم
مبتدأ
كان الفاعل راح له
خبرك
وبقيت مفعول بيه
وكل فاعل خير
ما يا يكسفك
أصل الأيام دول
وللأسف اليوم
مش يومك
لو كنت قدمت السبت
كان باقي الإسبوع
على كيف كيفك
ليست هناك تعليقات:
إرسال تعليق