"على باب الرسول "
دارى بحالنا يا رسول الله
وبلغك ما إحنا فيه
وصلك سلامنا
وشوق غلبنا
يا حبيبنا
عنك غيابنا
ما بإيدنا
ومالنا والله حيله فيه
حابس حبسنا
فاتحبسنا
حتى جوه الدار جلسنا
وإحنا بالأنس إإتنسنا
لما فى رحابك جلسنا
بس صار القلب طاير
فى هواك باعت رسايل
من صلاتنا ومن سلامنا
أكيد....... حاسسنا
رفرفت روحى فوق المدينة
والله سكنتها السكينة
يا اللى ساكنين المدينة
إنتوا والله.... ساكنينا
جوه مهجتنا وعنينا
السماح منكم طلبنا
و منكم العذر.... التمسنا
يا المدينة
نخلك الطاهر طرح تمره
و..... إحنا فى نفوسنا اشتهينا
ونعناع المدينة
إخضر لونه
وبروايحه
سأل علينا
قال فين حبايبى
ولا إحنا من حبايبنا اتنسينا؟
والله دا إحنا
إللى من بعدك بكينا
وشوقنا فى قلوبنا
كاويينا
يا... المدينة
يا تراب الشهدا
يا المسك إللى فاح
من دم حمزة
لا يوم هننسا
ولا يوم..... قسينا
يا الحمام
بلغ رسول الله مني السلام
قوله والله قلبى هام
منتظر إذن الدخول
يارب...
قبل لما الحول يحول
يا رب ما غيابنا يطول
يا الحمام
قوله أحبابك
أصابهم ما أصابهم
يا رسوول
طولوا الغيبه علينا
وإحنا بالشوق اكتوينا
وقلبى والله ما هو صابر
يبقى جوه الصدر ساكن
فى الجسد قاعد وساكن
يا ساكنى
هذى المساكن
بكره زوارك تعاود
يوصلوا الود إللى زايد
وفى القلوب الحب قايد
وأهى شدة من ضمن الشدايد
بس والله راح تزول
علشان سمعنا كلمتوا
سيدنا الرسول
والتزمنا
وليبوتنا... لزمنا
حتى مهما الشوق قتلنا
أصله سامع
بينا حاسس
عليه صلاتنا
عليه سلامنا
علي طوووووول المسافة
من على أعتابك.... لبابنا
حتى لو وقفت رحالنا
وما ارتحلنا
عليك صلاتنا
عليك سلامنا
ليست هناك تعليقات:
إرسال تعليق