أبا العمدة بقلم الكاتب /زين ممدوح
_ايه ده يا مرزوق طن مكرونه؟!
_الناس عايشة فى حالة رعب وخايفة!
فقلت مدخلش عليك وايدى فاضية
_بس طن بحاله يا مرزوق كتير قوى
_يا بت مش عندنا مسؤولين؟!.
دول النهار شقيانين وعايزين يتغدوا !
اسلقى بقى وحمرى واعملنى لنا باشاميل بالمره
_بس مش شيفاك خايف ولا همك يعنى
_ارمى تكالك على ربنا يا جملات.
وشوفى الناس اللى شغالة مع جنسيات العالم فى السياحة
كله بيجرى على رزقه محدش فيهم قعد.
_ونعم بالله،بس برضه ناخد بالأسباب ياسى مرزوق
ونغسل ادينا
_بس الميه المقطوعة تيجى الأول!
_على رأيك ،من امبارح وهى قاطعه والغسيل على ودنه
_مش عايز بقى يا جملات رغى كتير فى الموضوع ده
تابعى بس الأخبار،وزى ما قال الشاعر
مالم يمت بالسيف مات بغيره
ليست هناك تعليقات:
إرسال تعليق