خذ من يشبهك بقلم /دعاء عبد الوهاب

 هناك جملة لفتت انتباهي وهي متاخدش اللي يشبهك خد اللي يكملك ، مبدئيا مفيش حاجة اسمها متاخدش اللي يشبهك وخد اللي يكلمك لان اللي
هايكملك حقيقي هو اللي بيشبهك ، اللي بيشبهك هو اللي هايكملك بجد .

وبالتأكيد مفيش حد بيكون نسخة طبق الأصل من حد تاني لكن علي الاقل بيشبهه في حاجات كتير وبيكون متفاهم معاه وحابين الاختلافات اللي في بعض ومتقبلنها .
لكن مينفعش يكونوا مختلفين جذريا في اساسيات في الشخصية وفي التربية وفي اصول ومباديء وطباعة ونقول هايتعودوا علي بعض وهايتقبلوا الاختلافات (يبقي في الحلم ) معظم المشاكل الأسرية بسبب عدم التكافؤ ، بسبب الاختلاف الشاسع بين الطرفين واللي بالتالي بيسبب فجوة كبيرة بينهم لانه كل طرف بيبدا يحس أنه في عالم مختلف عن الطرف الآخر ويحس كل طرف أن الطرف الآخر لا فاهمه ولا حاسه وتبدأ الفجوة تكبر اكتر .

 اخيرا وليس اخرا دور علي اللي يشبهك واكيد هتلاقيه ، ربنا زي ما خلق من الشبه اربعين خلق أيضا من الصفات المتشابهة الكثير ، فتمهل في اختيارك ، خد اللي تحس أنه مراتك ، انك لما تتكلم معاه كأنك بتكلم روحك ، يفهم صمتك قبل أن تنطق بحرف ، وتكون معاه علي طبيعتك مش محتاج تتكلف في كلامك أو مواضيعك ، نفس الحاجة اللي تفرحك هاتفرحه ونفس الحاجة اللي تزعلك هاتزعله ،ميكونش محتاج يشوفك يعنيه علشان يعرف انت مبسوط والا حزين. اللي بيشبهك هايخاف علي مشاعرك لانه زيك .
اللي بيشبهك هايتقبلك كما انت وهايكملك صح .