مستشار و خبير مالي مدير إدارة التخطيط والمراجعة
عارف باسكت الزباله ( ابو غطاء) الموجود أمام المحلات .
له نظريه في علم إدارة الأعمال تشرح أهم أسباب الفشل..
و لأجل أن تفهم النظرية تخيل معي انك قررت تحل مثلا مشكله الزباله
المرميه في الشارع بوضع باسكت زباله شيك في الشارع تتلم فيه الزباله.. و لأنك شخص ذكي ( مثلي بالظبط) قررت تعمل الباسكت من مواد قوية تستحمل..
و كمان دهنته بمادة غالية لا تتفاعل مع الكيماويات أو الأحماض.. و الأحسن عملته بغطاء يقفل علي الزباله علشان الريحه و الحشرات.. و بعجل متحرك سهل ان تضعه في أي مكان و ربطته بسلسلة علشان ما يتسرقش ذي ما اتسرق موبايلك قبل كده 😀 تمام كده معاك دلوقتي باسكت زباله محترم تضعه أمام أي محل و انت مطمئن أن الباسكت شئ جميل و حضاري و انه مافيش زبالة تاني هتترمي في الشارع..
آخر اليوم..
تروح تشوف إنجازك كده تلاقيه فاضي و الزباله ماليه الشارع حواليه…
ايه الي حصل؟ انت فشلت و لا ايه؟ …
انت عملت كل حاجة صح انت كصاحب مصنع بلاستيك عملت احسن خامة ل احسن باسكت..
انت كهيئة نظافة عملت اللي عليك و اشتريت الباسكت ونشرته في ألاماكن الصح..و موجود في مكان واضح..
بس في النهاية.. الزباله لسه في الشارع…ليه الناس ترمي الزباله بره الباسكت؟؟؟؟ التفسير.." نظرية غطاء باسكت الزباله" ..
الناس مش بتحب تلمس غطاء الباسكت عشان ترفعه و ترمي الزباله فيه.. فكرة ان الغطاء يمكن مليان ميكروبات فطبيعي مش هحب أمسكه. فكره اني لما افتح الغطاء اكيد هشم ريحه وحشه. فكره انه ممكن يكون فيه حشرات فأنا مش عايز اقرب من الباسكت. كلها أسباب تخلي الناس ترمي الزباله بره الباسكت مش جواه..
ده تفسير منطقي لسؤالك لما تفشل.. أنا عملت كل حاجة صح ليه فشلت؟؟ الخلاصة : أوقات مش معني عملت كل حاجه صح 100٪ انك تنجح و الناس تسقف لك و الفلوس تجري في ايدك.. أوقات لازم تفكر في رد فعل الآخرين.
رد الفعل ده تعرفه من حاجه اسمها(Feedback)
أو المعلومات المرتدة. هولندا نزلت ناس واقفه جنب باسكت الزباله و تسألهم ليه مش بترمي جوه الباسكت و عرفت اللي انت عرفته دلوقتي. المعلومات المرتدة دى اساس نجاحك في حياتك. في شغلك حتى في زواجك.. لأجل ذلك تعود أن تسأل الناس عن اللي انت عملته.. كويس/ وحش.. كان ممكن يكون احسن؟ و ازاي..؟ ..
فيه ناس عملت فتحة في غطاء الباسكت..
وقتها انت ممكن ترمي جواه بدون ما تمد ايدك و ترفع الغطاء و الفتحة صغيرة فمش هتطلع ريحة . هولندا عالجت المشكله بفكره بره الصندوق حرفيا جعلت باسكت الزباله عبارة عن حفرة في الأرض متصلة بشبكة مواسير زى الصرف الصحي ترمي الزبالة في الحفرة. و الزباله تمشي في المواسير🤔.. ..
في النهاية أهمس لك في اذنك :
لا تزعل عندما تعمل كل حاجه صح و تفشل.. ف ابسط حاجه زي باسكت الزباله الدول الكبرى فشلت فيه… …
كمل و فكر تاني . و افتكر ان لِكل مجتهد نصيب و ان الله يعطينا حسب تعبنا لا حسب النتائج لأنه قال "و قل اعملوا" و انت قد "عملت" فأنتظر المكافأة منه لا من بشر .. بس لما تنجح افتكرني بدعوة حلوة..
عارف باسكت الزباله ( ابو غطاء) الموجود أمام المحلات .
له نظريه في علم إدارة الأعمال تشرح أهم أسباب الفشل..
و لأجل أن تفهم النظرية تخيل معي انك قررت تحل مثلا مشكله الزباله
المرميه في الشارع بوضع باسكت زباله شيك في الشارع تتلم فيه الزباله.. و لأنك شخص ذكي ( مثلي بالظبط) قررت تعمل الباسكت من مواد قوية تستحمل..
و كمان دهنته بمادة غالية لا تتفاعل مع الكيماويات أو الأحماض.. و الأحسن عملته بغطاء يقفل علي الزباله علشان الريحه و الحشرات.. و بعجل متحرك سهل ان تضعه في أي مكان و ربطته بسلسلة علشان ما يتسرقش ذي ما اتسرق موبايلك قبل كده 😀 تمام كده معاك دلوقتي باسكت زباله محترم تضعه أمام أي محل و انت مطمئن أن الباسكت شئ جميل و حضاري و انه مافيش زبالة تاني هتترمي في الشارع..
آخر اليوم..
تروح تشوف إنجازك كده تلاقيه فاضي و الزباله ماليه الشارع حواليه…
ايه الي حصل؟ انت فشلت و لا ايه؟ …
انت عملت كل حاجة صح انت كصاحب مصنع بلاستيك عملت احسن خامة ل احسن باسكت..
انت كهيئة نظافة عملت اللي عليك و اشتريت الباسكت ونشرته في ألاماكن الصح..و موجود في مكان واضح..
بس في النهاية.. الزباله لسه في الشارع…ليه الناس ترمي الزباله بره الباسكت؟؟؟؟ التفسير.." نظرية غطاء باسكت الزباله" ..
الناس مش بتحب تلمس غطاء الباسكت عشان ترفعه و ترمي الزباله فيه.. فكرة ان الغطاء يمكن مليان ميكروبات فطبيعي مش هحب أمسكه. فكره اني لما افتح الغطاء اكيد هشم ريحه وحشه. فكره انه ممكن يكون فيه حشرات فأنا مش عايز اقرب من الباسكت. كلها أسباب تخلي الناس ترمي الزباله بره الباسكت مش جواه..
ده تفسير منطقي لسؤالك لما تفشل.. أنا عملت كل حاجة صح ليه فشلت؟؟ الخلاصة : أوقات مش معني عملت كل حاجه صح 100٪ انك تنجح و الناس تسقف لك و الفلوس تجري في ايدك.. أوقات لازم تفكر في رد فعل الآخرين.
رد الفعل ده تعرفه من حاجه اسمها(Feedback)
أو المعلومات المرتدة. هولندا نزلت ناس واقفه جنب باسكت الزباله و تسألهم ليه مش بترمي جوه الباسكت و عرفت اللي انت عرفته دلوقتي. المعلومات المرتدة دى اساس نجاحك في حياتك. في شغلك حتى في زواجك.. لأجل ذلك تعود أن تسأل الناس عن اللي انت عملته.. كويس/ وحش.. كان ممكن يكون احسن؟ و ازاي..؟ ..
فيه ناس عملت فتحة في غطاء الباسكت..
وقتها انت ممكن ترمي جواه بدون ما تمد ايدك و ترفع الغطاء و الفتحة صغيرة فمش هتطلع ريحة . هولندا عالجت المشكله بفكره بره الصندوق حرفيا جعلت باسكت الزباله عبارة عن حفرة في الأرض متصلة بشبكة مواسير زى الصرف الصحي ترمي الزبالة في الحفرة. و الزباله تمشي في المواسير🤔.. ..
في النهاية أهمس لك في اذنك :
لا تزعل عندما تعمل كل حاجه صح و تفشل.. ف ابسط حاجه زي باسكت الزباله الدول الكبرى فشلت فيه… …
كمل و فكر تاني . و افتكر ان لِكل مجتهد نصيب و ان الله يعطينا حسب تعبنا لا حسب النتائج لأنه قال "و قل اعملوا" و انت قد "عملت" فأنتظر المكافأة منه لا من بشر .. بس لما تنجح افتكرني بدعوة حلوة..
مقال جميل رائع ويهمس فينا النجاح والابداع فى المحاولة والعمل على تغير مفاهيم النجاح التقليدية
ردحذفمقال قوي في ايجاز الفرق بيننا وبين الغرب صحيح كلنا بنهتم بالكلام فقط ومش بنعطي مساحه لسماع الاخر بالاضافة ان اغلبنا بيهتم بسير العمل ومش بنهتم بتحسين العمل او الابداع ومحاولة ايجاد حلول للمشاكل، مقال ممتاز شكرا لمجهودك
ردحذفبجد مقال قوي صح ياابن عمي اهم حاجة التعب ولازم تاخد feedback عن كل حاجة نعملها علشان نجاحنا يكتمل (حبيبك حنا ابن عمك)
ردحذف