مقالاتنا هتكون عبارة عن سلسلة رحلات هنلف بيها المحروسة وجمالها هنشوف سحرها اللى غلب سحر الشرق هنشوف فيها الاثار الفرعونية والقبطيه والاسلامية . اول رحلة لينا هتكون طويلة شويه رحلة مدتها
تقريبا ٣ سنين ونص رحلة ابطالها طفل عمره سنتين وامه العذراء والقديس يوسف رحلة العائله المقدسة فى مصر رحلة ابطالها هربوا لمصر بعد
ماهيردوس الملك قرر قتل الطفل يسوع وظهر ملاك للقديس يوسف يؤمره يهربوا لمصر المحروسة رحلة صعبة لاسرة فيها طفل صغير كان قدامهم ٣ طرق رئيسيه يدخلوت بيها مصر لكن لان عساكر هيرودس كانت بتطاردهم دخلوا من طريق تانى اصعب واخطر فى وسط الصحراء بين العريش وبورسعيد ١-اول محطه لينا مع رحلة العائله المقدسه محافظة الشرقيه
وبالتحديد مدينه بسطا(تل بسطا حاليا) فى مدينة الزقازيق هناك فجر الطفل يسوع عين مايه موجوده حتى الان ولكن!! اهل بسطا بيعبدوا التماثيل وبمجرد دخول الطفل يسوع المدينه اتكسرت كل تماثيلها وهاج اهل بسطا عليهم وطردهم .
٢- تانى محطه لينا بعد ماسابوا بسطا راحوا مدينة مسطرد وهناك كمان فجر الطفل يسوع عين مايه وهناك السيدة العذراء حمت الطفل يسوع وغسلت هدومه وعشان كده اسمها لغايه دلوقتى (المحمه) وهناك اتبنت كنيسه للسيدة العذراء اسمها كنيسة السيده العذراء المحمه لسه لرحلتنا بقيه استنونى الرحلة الجايه نسافر مع العائلة المقدسة ونشوف اماكن جديدة مع سحر المحروسة
ليست هناك تعليقات:
إرسال تعليق