مازلنا نتابع حديثنا في سلسله مقالات اعرف نفسك اولا..
كنا قد تكلمنا في المقال السابق عن الأفكار التي تدور داخل كل منا.. وينتج عنها اما الكلام الإيجابي او الكلام السلبي لنفسنا.. ف صورتنا عن
أنفسنا تتحكم فيها أفكارنا التي نستمدها من البيئه المحيطه بنا.. فمثلا المفاهيم والتعريفات مختلفه لدي كلا منا :
فمثلا اذا سألتك ماذا تمثل الحريه بالنسبه لك؟ منا من يراها انحلال، ومنا من يفهمها بالمعنى السياسي، ومنا من يراها مسئوليه….. ذلك لأن تكوين مفهومنا عن المعاني يأتي من عوامل كتيرة، وأهم هذه والعوامل 1-من البيئه التي تربي ونشأ فيها.. ودي غالبا هتكون البيت والعائله، المدرسه، الكليه….
مثال :الشخص اللي اتربي في مجتمع غربي ممكن أن يتقبل فكرة (المثليين) مثلا علي العكس من شخص تربي في مجتمع شرقي. 2-من الوازع الديني اللي اتحط جواه وكيفيه تفسيره لسنن الله في الأرض…
مثال :الشخص صاحب الوازع الديني تفسيره مختلف لفكرة القضاء والقدر بالمقارنة بشخص الوازع الديني لديه أقل. 3-التجارب الحياتية والخبرات اللي مر بيها.. و دي بتشكل مرحله كبيرة من وعيه مثال :ذي بنت لقت كثير من أصحابها مطلقات أو تعيسات في حياتهم الزوجية.. فكرهت الجواز والرجاله كلهم 4-الإعلام والسوشيال ميديا..
وده طبعا الboss الكبير كلنا شوفنا طبعا فكرة ان أولادنا بيتأثروا بالممثل فلان والراقصه فلانه اللي بيجيبوا فلوس بكل سهوله.. للدرجه اللي بقوا هم دول القدوة. دول تقريبا أهم العوامل اللي بتتحكم في تكوين أفكارنا وبالتالي تتحكم في ادراكنا للأمور ورؤيتنا للأشياء.. واخيرا.. بدايه وعيك بالعوامل التي تؤثر في أفكارك وقراراتك تجعلك اكثر حرصا ووعيا في انتقائك للافكار التي تسمح لها المرور الي عقلك… رحاب سلام
ليست هناك تعليقات:
إرسال تعليق