غنيت علي لحن السنين موال
وعزفت علي وتر الحنين رحلة
ورسمت علي شط الزمان عنوان
ورقصت علي موجة سفر حجلة
وسقيت علي صدر الحياة بستان
وزرعت علي أمل الخلود نخلة
وسرقت من عمر السنين إنسان
صليت يلهمني الحنين قبلة
لفيت علي كل القلوب حيران
وسألت يعطيني الطبيب مهلة
عديت علي كل البحور عطشان
وطلبت يغرف لي الغريق قلة
وخرجت من ألم السنين سندان
ووقفت علي قصة عطاء نحلة
ولعبت علي زهرة جموح وجنان
وصنعت في دنيا السراب خيلة
وشربت من كل الصنوف ألوان
وجرحت علي أمل الصعود مقلة
وتعبت من لون الوشوش يازمان
وسألت علي سكة بدون علة
وسبحت في دنيا بدون شطآن
ولقيت عيداني بدون سبلة
ووصلت علي هالة من النسيان
وصحيت علي بيضة من السلة
ووضعت أعمالي علي الميزان
حصلت في الدنيا طعام نملة
ليست هناك تعليقات:
إرسال تعليق