البنت لما بتكون معششه ومربطه🤣😄😂 وداخلة في مشروع عاطفي غرامي❤ ومش قايله لأي حد من أسرتها ... الأم... بصي ياحببتي النهارده هيزورنا فلانه وفلان ناس محترمين ومعاهم المحروس ابنهم... يارب نفرح بيك المرة دي بقى... البنت.. ماما قولتلك الف مرة مش عاوزه اتجوز
دلوقتي وقولتلك الف مرة مابفكرش .. في الموضوع ده دلوقتي. ياحياتي.. انت قابليه بس..وأتكلمي معاه... واللي فيه الخير يقدمه ربنا.. البنت...ماما بلاش احسن وحياتي وبعد اللقاء ما يتم.. والناس تمشي والكل بيسأل... ايه رائيك في العريس.. مش عاوزها.. ليه..مش عاجبني وانا قولتلكم من الأول.. روحي ربنا ينكد عليك يامضروبه ..🤣 زي ما انت على طول منكده علينا... الأم تعمل فيها تعبانه وضغطها عالي.. وتربط رأسها بإيشارب كأنها هتروح الطوارئ.😂 وكأنها واخده ١٠٠ رصاصة في قلبها😂 والعيال اخواتك الصغيرين عمالين يجروا حوالين امك اللي بيدورلها على لقمه تاكلها .. واللي بيدورلها على بصله تشمها... ويبصولك إنك أنت السبب في مرضها...😄 والأب قرب يخلص علبتين سجاير.. قال ايه من العصبية والتوتر.. 😂 ومش هكلمك طبعا عن حسرة امك على طقم الجاتوه اللي جابته من لابوار... اللي راح اونطه ولا طقم الكاسات اللي طلعته من النيش.. ومحدش شافة من يوم جوائزها من ابوكي. والواد اخوك قاعد ينفخ .. لأنك ضيعتي عليه فرصة السرمحه.. وانه يروح القهوة مع اصحابه المقاطيع.. علشان يلعبوا بلاي ستيشن. والبت الشغالة اللي جايبنها من عند الجيران قاعده جنب باب المطبخ.. متكسحه وبتقول في سرهاروحي ربنا يهدك من كتر ما شافت من ويل في تنفيض بيتكم اللي مااتروقش من آخر زيارة فاشله من سنتين.. المهم البيت كله عامل زعلان.. مع انهم عارفين زي ما هم عارفين اساميهم انك هتطفشي العريس وامه وكل اللي معا... قال يعني كلهم اتفوجئوا بالنكد... وكل اللي في البيت مالوش غير جمله واحده روحي يا شيخه ربنا ينكد عليك زي مانكدتي علينا كلنا شغل أهالي مصري...😄🤣😂 مفقوس #مجرد_ خاطرة ا.د. فتحي الشرقاوي أستاذ علم النفس بجامعة عين شمس
ليست هناك تعليقات:
إرسال تعليق