الطيبة مش سذاجة - صابرين جابر

هو فعلا الطيب بيداس عليه هو فعلا الطيب الناس مش بتهتم بيه هو فعلا الشخص المغرور المتعالي اللي مش بيتكلم بسهوله مع الناس اللي بتتعالي عليهم اللي بيغلط هو ده اللي بيتعمله الف حساب اللي ناس بتجري وراه اللي ناس بتحترمه هو اللي قلبه طيب وبيقدم اللي يقدر عليه للناس ليه الناس بتجرحه وتذم فيه كمان ويتصيدولوه الأخطاء فعلا الطيب في الزمن ده بينداس هل الطيبه بقت سذاجة والناس تحسبه انه ضعيف الشخص الطيب فعلا بيبقي حاسس انه عايش في زمن غير الزمن مع ناس قلوبهم حجر ساعتها بس بيتعلم ازاى يكون ذئب عشان يعرف يعيش الطيب فعلا بيتصدم في ناس كتير بسبب طيبته لانهم بيستغلوه في كل حاجه بس عايزه اقول للناس اللي قلوبها طيبه خليك طيب خليك زي ما انت ايوه ماتثقش في كل الناس ماتتعشمش في كل الناس خليك حذر واوعي تكون ذئب خليك دايما صاحب قلب ابيض في حكمه بتقول انك تتوقع أن يعاملك العالم برفق لأنك طيب كأنك بتتوقع الا يأكلك الأسد لأنك نباتي لا تاكل اللحوم