حياتنا اللي اتغيرت بقينا نلاقي الأخوات بتكره بعض مابيحبوش الخير لبعض بقينا نلاقي الصحاب بتغدر وتخون بقينا نلاقي الابن عاق لابوه يبقي نيجي نلوم الزمن واحنا العيب فينا وتيجي تسأل انت مش فرحان ليه هو انا ليه مش سعيده تعالوا نرجع البسمه اللي بجد من غير الضحكه الصفرا اللي بقيت في كل الصور تعالوا نرجع السعاده اللي بجد من غير نفاق تعالوا نرجع الحب والخير من غير ماتكون ب١٠٠ وش تعالوا نقول الحمدلله علي كل حاجه ربنا كتبهالنا ونرضي باللي ربنا قسمهولنا وأنك ترضي ب٢٤قيراط بتوعك تعالوا نصلح اخطائنا تعالوا نعمر وبلاش نهدم تعالوا نحب وبلاش نقسي الزمن ماتغيرش احنا اللي اتغيرنا ولازم دلوقتي احنا اللي نتغير نتغير للأجمل للاحلي عشان تكون سعيد بجد ابدأ حب جارك وأتمناله الخير افرحي لفرحه صاحبتك احزن لما تحس بان اخوك في محنه حبوا بعض وافرحوا لبعض نقوا نفوسكم وساعدوا بعض هترجع السعاده اللي بجد اللي كل واحد في زماننا ده بيدور عليها ماتقولش العيب في الزمن قول العيب فينا
ليست هناك تعليقات:
إرسال تعليق