لما نيجي نتكلم عن الإخلاص مش هتقول الإخلاص في العمل بس مش هتقول اخلاصك لاصدقائك بس مش هتقول اخلاصك لحبيبك بس الكلمه دي شامله حاجات كتير الكلمه دي صغيره بس معناها كبير اوي الشخص
المخلص الوفي هتلاقيه مخلص في شغله في حياته مع زوجته مع أهله ومع اصدقائه عايزاك تسأل نفسك سؤال هو في شخص مخلص وفي في الزمن ده؟ لو الشخص ده بيحفظ سرك يبقي ده الشخص المخلص لو وفي بعهده ووعده معاك يبقي شخص مخلص اللي بيسامحك دايما وواقف جمبك اللي بيثق فيك ثقه عمياء ويلتمس ليك الاعذار اللي بيكون معاك وقت حزنك قبل وقت فرحك اللي بيتمنالك الخير حتي لو مش عنده هو اللي بيدعيلك دعوه من القلب وعن ظهر غيب اللي بيكون جمبك وقت شدتك في نفس الوقت اللي تخلي عنك كل الناس حتي اقرب الناس ليك ده الشخص المخلص الوفي لو لاقيته اتمسك بيه شكرا لكل شخص وفي مخلص في زمن قل فيه الاوفياء شكرا للي وقفوا جمبنا وقت شدتنا شكرا للي وفي بوعده معانا انه هيساندك وقت ضعفك وقله حيلتك شكرا للي بيقوينا مش بيضعفنا شكرا للي اخلص لينا مش في لحظه راح وباعنا شكرا للمخلص الوفي اللي مش بساهل تلاقيه في زمن كتر فيه الغدر والخيانة اتمسكوا باللي هيخلص ويوفي ويسند ويصون عشرتك اتمسكوا بالمخلص الوفي
ليست هناك تعليقات:
إرسال تعليق