الجو خلاص بقا لطيف للخروج الصبح والجامعه قربت وهنحتاج لبس يكون سهل وعملي جداا وخفيف في الحركه وفي نفس الوقت شيك وانيق وخامته مريحه والبيزك في كل الصفات دي ، دا غير ان في كتير
ملابس بتحتاج تحتها قطعه بيزك عشان تكمل زي قطع مفتوحه او كمها قصير شويه او رقبتها مفتوحه، وعشان البيزك بيكون ساده بنقدر نعمله ستايلنج كتير عليه ونعمل منه كذا طقم ، وعشان انا من وجهه نظري ان البيزك او القطعه الاساسيه من اساسيات الدولاب ولازم تكون موجوده كل سيزون واحنا بنشتري لبسنا وعشان هي مهمه كدا لازم نعرف نشتري اي الوان ؟ ازاي نلبسه ؟وماتريال ايه ؟ونلاقيه فين الابيض والاسود اساسي عندنا في الدولاب لانهم اكتر لونين اساسين ، بعدين نشوف احنا بنميل لاي الوان اكتر اللي بيميل للغامق يجيب نبيتي و كحلي او بني ورمادي لو بميل للالوان الفاتحه هختار البيج وكل الفواتح علي حسب لبسي ،،الماتريال لازم اختار ماتريال مناسبه للفصل اللي جاي وتكون ماتريال فيها قطن ومريحه جداا ، اما عن ازاي نلاقيه هو بيكون في كل المحلات غالبا بس نسأل حد مسئول لان بيكون موجود دايما بس في مكان مش معروض دايما .ازاي نختار المقاس ؟ لو هنختار بيزك يتلبس لوحده هنختار مقاس اكبر من مقاسنا عشان يكون واسع وطويل شويه ومريح ، لو هنختار بيزك لتحت اي قطعه تانيه ممكن نختاره مقاسنا الطبيعي ، والمقاس عموما حريه شخصيه وراحه في الاخر وكدا شويه وضحنا اهميه البيزك في دولابنا
ليست هناك تعليقات:
إرسال تعليق