صباح الحب

الشاعرة :مرفت موافي 
من ديوان (نفسي اعيش ٢٠١٤
صباح الحب 
 صباحك شوق للماضي 
 صباحك نار ومش عادي
 صباحك فل وصنوبر
 صباحي وحيد فاكتوبر
 القلب داب مالي العيون
 انين واهات 
 وقافل باب علي المشتاقين
 وبيتالم من سكات
 صباح بيبات فاكر اسمك
 عاشق رسمك في الحكايات 
 صباح عايق ومتضايق
 عشان عيونك مش شيفاه
 ولو تيجي يكون رايق
 وينطق من الحنين
 الاه صباحك فين 
وانا اجيلك ياتاعب روحي عالاخر 
صباحك قلب مش قادر 
 ومحوشلك شوق فاخر